Најмалку 17 лица загинаа денеска во јужен Пакистан кога се запали автобус, соопштија властите.
Инцидентот се случил на автопатот М-9 кој го поврзува пристаништето Карачи со градовите Хајдерабад и Џамшоро во провинцијата Синд, пренесува Ројтерс.
„Досега во несреќата загинаа 17 патници, 10 се повредени и префрлени во болници“, изјави службеникот за новинарите.
Во автобусот патувале околу 35 луѓе.
Сè уште не е јасно што го предизвикало пожарот, но полицијата соопшти дека е очигледно дека пожарот започнал од задниот дел на автобусот, пренесува Ројтерс.
