Претседателот на Украина, Володимир Зеленски, потпиша указ со кој поранешниот шеф на државата Виктор Јанукович се става на листата на санкции, пренесува „РТ“.
„На Јанукович Виктор Федорович му се одредени рестриктивни мерки… Блокирање на имот и привремено одземање на правото на користење и располагање со имот што му припаѓа на физичко или правно лице“ – се наведува во текстот на документот објавен на веб-страницата на раководителот на државната канцеларија.
Воведени се рестрикции за период од 10 години.
Покрај Јанукович, Зеленски воведе санкции против рускиот бизнисмен Олег Дерипаска, украинскиот бизнисмен Серхи Курченко и поранешниот министер за одбрана на Украина, сега потпретседател на Руската унија на индустријалци и претприемачи (РСПП) – Павел Лебедев.
Во август, Швајцарија објави санкции против поранешниот украински претседател Виктор Јанукович и неговиот син Александар поради нивната поддршка на руската специјална воена операција.
