Ураганот Јулија денеска го погоди брегот на Никарагва, соопшти Националниот центар за урагани, предупредувајќи за опасни временски услови во наредните денови ширум регионот.
Ураганот рано утрото падна на копно во близина на градот Лагуна де Перлас, носејќи силен ветер со брзина од 140 километри на час, пренесува Ројтерс.
Се очекува ураганот постепено да слабее додека ја преминува Никарагва, а се предвидува дека ќе стигне до источниот дел на Пацификот до недела навечер.
Метеоролозите известуваат дека до утре Јулија ќе стигне до бреговите на Хондурас, Ел Салвадор и Гватемала.
Поројни поплави и лизгање на земјиштето опасни по живот се можни од обилните дождови над Централна Америка и јужно Мексико до почетокот на следната недела, соопшти Центарот, пренесе Блиц.рс.
