Британскиот министер за клима, Греам Стјуарт денеска изјави дека владата не бара од луѓето да трошат помалку енергија, еден ден откако Националната енергетска мрежа предупреди дека земјата може да се соочи со планирани тричасовни прекини на струјата на домаќинствата и деловните субјекти оваа зима.
„Ние правиме план за сите евентуални можности и јавноста треба да биде уверена дека имаме многу силно и разновидно снабдување и дека ги презедовме сите чекори за да се грижиме за нашите потреби за оваа зима“ – рече тој за Скај њуз, пренесе Ројтерс.
На прашањето дали луѓето треба да трошат помалку енергија, Стјуарт одговори:
„Тоа не е пораката што ја испраќаме“.
