Шпанскиот тренер Хулен Лопетеги доби отказ во Севиља по поразот од Дортмунд во Лигата на шампионите со 1:4. Негов наследник ќе биде Аргентинецот, Хорхе Сампаоли.
Поразот од Борусија практично значи и губење на шансата тимот да се најде во нокаут фазата од елитното натпреварување.
Севиља е трета на табелата со еден бод, пет помалку од Дортмунд и осум зад Сити. Уште поголем проблем е позицијата во Ла Лига, каде клубот од Андалузија е на 17. место, на еден бод од опасната зона.
Лопетеги беше три години во Севиља и во тој период ја освои Лигата на Европа.
