Феникс Санс загуби од Аделаида (124:134) во претсезонски натпревар, со што стана првиот НБА-тим од 2015 година што загубил во претсезоната во натпревар од неамерикански тим. Во 2015 година Фенербахче го победи Бруклин Нетс.
Најдобар во триумфот на Аделаида беше Крег Рендал со 35 поени (9-17 за три), го следеше Роберт Франкс со 32 поени (6-10 за три) и 7 скока, а Антониус Кливленд постигна 22 поени.
Стрелците кај Санс ги предводеше Камерон Пејн со 23 поени (8-19 од поле), 22 поена постигнаа Деандре Ајтон (11-14 од поле, 6ск) и Микал Бриџис (8- 12 од играта, 7ск). Девин Букер постигна 13 поени (5-8 од поле за 22 минути), а Крис Пол запиша 6 поени и 12 асистенции.
Сезоната во НБА-лигата ќе почне на 18 октомври.
