Селекторот на машката сениорска ракометна репрезентација, Кирил Лазаров, го објави поширокиот список на ракометари за квалификациските натпревари за пласман на ЕВРО 2024.
Македонија е дел од Групата 1 заедно со репрезентациите на Португалија, Турција и Луксембург.
Во рамки на ЕХФ неделата ракометарите ќе одиграат два натпревари во квалификациската група. Првиот натпревар е во Скопје против селекцијата на Луксембург на 12 октомври, а потоа ракометарите ќе гостуваат во Турција на 16 октомври.
Европското првенство ќе се одржи во период од 10 до 28 јануари 2024 година во Германија.
