Агенцијата за финансиска поддршка во земјоделството и руралниот развој ја реализира исплатата на повеќе мерки од програмата за директни плаќања.
188 корисници се исплатени со финансиска поддршка во висина од 17,5 милиони денари за засеани и ожнеани површини со полјоделски култури за кои е употребен сертифициран семенски материјал, а пријавената површина е од 5 до 50 хектари. Висината на поддршката е условена со остварени просечни приноси, и тоа: 4.000 кг/ха за пченица, 3.000 кг/ха за јачмен, ‘рж и овес и 1.500 кг/ха за сончоглед.
Извршена е исплата и за мерката за производство на говедско месо за кои се исплатени 1,4 милион денари за 131 корисник. Корисници на оваа мерка се огледувачите на говеда, кои имаат минимум 30 говеда обележани и евидентирани во регистарот за одгледувачници на говеда. Висината на директните плаќања е 1.500 денари и се исплаќа за женско говедо, кое е на возраст од 12 до 24 месеци, на 31.10.2021 година.
2.837 одгледувачи на овци добија финансиска поддршка од 103 милиони денари за задржано женско јагне. Висината на поддршката е 1.000 денари од говедо и се исплаќа за женско јагне кое на 31.10.2021 година е на возраст од 6 до 18 месеци.
Исто така, исплатена е и финансиската поддршка за задржано женско јагне во висина од 13,7 милиони денари за 1.540 одгледувачи на кози. Висината на поддршката е 1.000 денари за говедо и се исплаќа за женско јаре, кое на 31.10.2021 година е на возраст од 6 до 18 месеци.