Летонија, Литванија и Естонија постигнаа начелен договор за ограничување на движењето на руските граѓани преку нивните граници со Русија и Белорусија, изјави естонскиот министер за надворешни работи Едгарс Ринкевичс, а пренесува „Ројтерс“.
Трите балтички земји очекуваат да воведат забрана за влез до средината на септември.
– Во последните неколку недели и месеци драстично е зголемено прекуграничното преминување на руски државјани со шенген-визи. Ова станува прашање на јавна безбедност, но е и прашање од морална и политичка природа – рече Ринкевичс на прес-конференција во Литванија.
Возачите на камиони, дипломатите и оние кои ја преминуваат границата од хуманитарни и семејни причини ќе бидат ослободени од ограничувањата, наведува британската агенција.
