Фудбалскиот клуб Вулверхемптон се договори Диего Коста. Сепак, трансферот, веројатно, нема да биде реализиран бидејќи Бразилецот не доби дозвола за влез во Британија.
Откако на дебито на Саша Калајџиќ ги повреди вкрстените лигаменти на коленото, Волвс мораше да реагира, му се јави на Диего Коста и бргу постигнаа договор. Сепак, Бразилецот сè уште не може да влезе во земјата.
Имено, неговото барање за работна дозвола е одбиено поради недостиг на поени. „Волците“ ќе се жалат и се надеваат дека ќе го добијат случајот, но доколку тоа не се случи, имаат подготвена замена.
Тоа е Енди Керол, кој не изгледа како напаѓач што може да направи разлика во Премиер лигата, но Волвс нема подобар избор. Двајцата играчи се навистина надвор од форма.
Последниот натпревар Коста го одигра во декември минатата година, а Керол на крајот од минатата сезона.
