Папата Јован Павле Први, кој почина во 1978 година, само 33 дена по устоличувањето, денеска беше прогласен за блажен во Рим, јавуваат агенциите.
И покрај дождот и грмежите, илјадници верници, меѓу кои и италијанскиот претседател Серџо Матарела, ја следеа мисата за беатификација, која е чекор до канонизацијата, на плоштадот Свети Петар во Рим.
Голема таписерија со ликот на Јован Павле I во базиликата Св. Петар беше свечено откриена за време на церемонијата.
„Папата Албино Лучијани со насмевка успеа да ја пренесе Божјата добрина и со него лицето на црквата е радосно, мирно, насмеано“ – рече папата Франциск во својата проповед.
Албино Лучијани бил популарен и близок со народот, а го наследил Јован Павле Шести во август 1978 година, кога имал 65 години. Починал по 33 дена, од срцев удар.
