Фудбалерот на Реал Мадрид Марко Асенсио одлучил да остане во „кралскиот клуб“, пренесуваат медиумите во Мадрид.
Шпанските медиуми истакнуваат дека Асенсио решил да остане во Реал откако разговарал со тренерот Карло Анчелоти.
Италијанскиот стручњак му порачал на шпанскиот репрезентативец дека смета на него оваа сезона и му ветил дека ќе добие поголема минутажа во дресот на европскиот шампион.
Асенсио (26) во Реал пристигна во 2016 година од Мајорка, а за мадридскиот клуб одигра 236 натпревари и постигна 49 голови.
За шпанската репрезентација одигра 28 натпревари.
