Полицијата го приведе З.Т.(53) од Скопје, откако при пасошка контрола било констатирано дека евидира на стоп листа од Регионалниот центар за гранични работи Југ.
Со судска наредба, во содејство со царински службеници бил извршен преглед во возилото „мерцедес“ со холандски национални ознаки, кое го управувал. Притоа, во возилото биле пронајдени и одземени 23 различни стари монети и 11.800 евра.
Лицето било задржано во полициска станица и со него бил извршен службен разговор. По целосно документирање на случајот ќе биде поднесена соодветна кривична пријава.
