Европската унија планира да го суспендира договорот за патни визи со Русија следната недела, објави Фајненшл тајмс повикувајќи се на повеќе извори.
Планот за замрзнување на договорот од 2007 година треба, како што се наведува, да им го отежне и поскапи на Русите добивањето документи за влез во Шенген зоната.
Како прв чекор, министрите планираат да дадат политичка поддршка за суспензијата на договорот за визно олеснување меѓу ЕУ и Русија на дводневниот состанок во Прага кој започнува во вторник.
