Утрински Весник
Свет

Шолц се качи на тенк за време на посетата на украинските војници кои се обучуваат во Германија

Германскиот канцелар Олаф Шолц денеска ги посети украинските војници кои се во Германија на обука за управување со германските тенкови.

dobivaj vesti na viber

По тој повод, Шолц вети дополнителна воена помош за Украина.

„ Германија сака да даде свој придонес војниците во Украина да ја добијат оптималната поддршка што им е потребна“, објасни тој.

Шолц го посети воениот полигон Путлос, каде што украинските војници се обучуваат за употреба на противвоздушно оклопно возило Гепард.

„Германија дава на располагање модерно и ефективно оружје, бидејќи Украина има право да ја брани сопствената земја, интегритет, независност и суверенитет“, рече канцеларот.

Тој изрази восхит од украинските војници за нивната храброст и се заблагодари на германската армија за вклученоста во обуката на украинските колеги. Шолц беше импресиониран од потенцијалот на Гепардот и рече дека видел колку е ефикасен во одбраната на воздушните напади.

Тој најави дека Германија ќе ѝ испорача повеќе системи за тешко вооружување на Украина, наведувајќи ги тенковските хаубици, повеќекратните ракетни фрлачи Ирис-Т, кои, како што вели, можат да обезбедат одбрана на воздушниот простор на цели градови.

Можете да прочитате

Мал авион се урна на аеродромот во Лондон Саутенд, бројот на патници е непознат

Уште шест лица повредени во трката со бикови во Памплона

Киев: Соборени 40 од 60 дронови со кои Русија ја нападна Украина