Ниските нивоа на водата во реката Јангце открија потопен остров во југозападниот град Чонгкинг и три будистички статуи за кои се верува дека се стари 600 години, јавува државната новинска агенција Ксинхуа.
На највисокиот дел од островот се пронајдени три статуи. Се верува дека се направени за време на владеењето на династиите Минг и Кинг. На една од статуите е прикажан монах како седи на престол во форма на лотос.
Нивото на водата на реката Јангце нагло опаѓа поради сушите и топлотниот бран во југозападна Кина.
Количината на врнежи кај Жолта река од јули е за околу 45 отсто помала од вообичаеното, а високите температури ќе траат најмалку уште една недела, прогнозираат метеоролозите.