Петнаесетгодишно момче е тешко повредено, а 18-годишна девојка е полесно повредена во базен на викендица во Бањоле, во општина Медулин, поради неисправни електрични инсталации, извести истарската полиција.
Полицијата вчера околу 14 часот добила пријава од Итна медицинска помош дека во базенот во дворот на викендица е тешко повредено дете, а полесно е повредена 18-годишна девојка. Станува збор за француски државјани.
Засега е утврдено дека повредите настанале поради неисправност на електричните инсталации, информираат од полицијата.
Тешко повреденото момче е задржано на лекување во болница во Риека. На местото на несреќата е извршена увид, а полициски службеници во соработка со надлежното државно правобранителство продолжуваат со утврдување на сите околности на овој настан, додаваат од Полициската управа на Истра.
Неофицијално се дознава дека до несреќата дошло како последица на струен удар.