Утрински Весник
Свет

Извршниот директор на „Фајзер“ позитивен на ковид – ги примил сите четири дози од вакцината

Извршниот директор на Фајзер, Алберт Бурла, денеска објави дека е позитивен на Ковид-19 и дека има многу благи симптоми, пренесува „Ројтерс“.

dobivaj vesti na viber

Бурла (60) рече дека започнал со терапија со користење на антиковидовиот лек на компанијата „Пакловид“ и дека во согласност со јавно-здравствените мерки на претпазливост е во изолација.

– Уверен сум дека брзо ќе закрепнам – рече Бурла во соопштението.

Бурла прими четири дози од вакцината против ковид развиена од „Фајзер“ и нејзиниот германски партнер.

Неколку американски јавни личности беа позитивни на коронавирусот во изминатите неколку месеци, вклучително и американскиот претседател Џо Бајден и неговиот главен медицински советник, д-р Ентони Фаучи, потсетува „Ројтерс“.

Бајден помина повеќе од две недели во изолација во Белата куќа откако во два наврати беше позитивен на тестот за ковид-19.

Пакловид е лек за коронавирус кој се користи за лекување  луѓе со висок ризик, како што се постари пациенти, пренесе Телеграф.рс.

Можете да прочитате

САД подготвуваат предлог-закон за санкции од 500 отсто за земји што купуваат руска енергија

САД воведуваат 35 отсто царини за Канада, Трамп најавува тарифи за повеќето трговски партнери

Трамп: Во понеделник „голема изјава“ за Русија