Руската новинарка Дарија Асламова е прогласена за „персона нон грата“ на Косово, објави министерот за внатрешни работи на Косово, Џељаљ Свечља.
Во соопштението се наведува дека и е забранет влез во Косово во траење од пет години.
„ Секој кој со одредени цели или директиви ќе ја прекрши или ќе се обиде да ја дестабилизира нашата земја, без сомнение ќе се соочи со силата на законите на Република Косово“, напиша Свечља.
Асламова вчера беше уапсена на северот на Косово, при влез од Србија.