Тенисерот број еден во светот, Русинот Данил Медведев, ја прекина серијата порази во финалињата со победата од 7:5, 6:0 над Британецот Камерон Нори за титулата во Лос Кабос, Мексико. Русинот влезе во финалето на Лос Кабос против минатогодишниот шампион Нори, 12-ти во светот, по шестнеделна пауза, откако загуби пет финалиња по ред од минатогодишниот Мастерс во Париз во ноември.
Медведев пристигна во Мексико на својот прв турнир од јуни, и не загуби сет цела недела на патот до првата титула сезонава и 14-та во кариерата. Рускиот тенисер со пласманот во финалето се погрижи да остане на врвот на АТП-листата барем до крајот на УС Опен (29 август – 11 септември), каде ја брани титулата. Нори остана на две титули во кариерата.
