Тројца мигранти загинаа, а 11 се повредени во сообраќајна несреќа на југот на Унгарија, соопшти полицијата.
Возилото со 15 патници не застанало на полицискиот пункт и директно се судрило со друго возило, а потоа се запалило. Двајца патници починале на самото место, а третиот починал во болница. Уште 11 се префрлени во болници.
Возачот, државјанин на Грузија, е уапсен на местото на настанот поради сомнение за трговија со луѓе и невнимание, што довело до сообраќајна несреќа со смртни последици. Судирот се случил во близина на селото Боча, 122 километри јужно од Будимпешта, соопшти полицијата и додаде дека Грузиецот сакал да прошверцува 15 илегални мигранти.
Владини извори соопштија дека од почетокот на годината до границата со Унгарија стигнале 157.000 мигранти.