Белгискиот ветеран Дрис Мертенс одбил трансфер во Јувентус и плата од 5 милиони евра по сезона поради лојаноста кон Наполи, клубот од јужна Италија, јавува „Ла газета дело спорт“.
Напаѓачот е слободен играч по крајот на договорот со клубот од Неапол, клуб за кој има постигнато најмногу голови во историјата, и беше поврзуван со трансфер во Јувентус, кои бараат замена за Алваро Мората, откако не можат да се договорат со Атлетико Мадрид.
Мертенс постигна 148 гола за Наполи, каде што пристигна од ПСВ Ајндховен во 2013 година. 35-годишниот Белгиец беше миленик на навивачите на „партенопеи“, добивајќи прекар Чиро, по што го крсти и својот првороден син со ова име.
Mertens dice no a 5 milioni della Juve: non vuole tradire la sua Napoli https://t.co/OUU5bVb9zS
— La Gazzetta dello Sport (@Gazzetta_it) August 2, 2022