На официјалната веб-страница на Европскиот совет во делот на соопштенија од Советот, во две засебни соопштенија за меѓувладините конференции, помеѓу Албанија и Македонија со ЕУ се гледа кој почнува преговори, а кој ќе чека уште, коментира ВМРО-ДПМНЕ.
„Албанија почнува преговори, а Македонија уште е во чекалница. За Македонија да ги почне преговорите треба да се бугаризира, и тоа е директна вина на Ковачевски. Предавникот Ковачевски трајно ги наруши македонските преговарачки позиции и нашите црвени линии“, велат од ВМРО-ДПМНЕ.
Опозициската партија повтори дека нема да дозволи промена на Уставот. Оттука уверуваат дека пратениците на партијата нема да гласаат за промена на Уставот.
Се додава дека Македонија мора да преговара со ЕУ под услови кои важеле за сите.