Министрите за надворешни работи на Европската унија договорија дополнителни 500 милиони евра за вооружување на Украина, со што овој вид поддршка од Европската Унија од февруари ќе достигне 2,5 милијарди евра.
„Денеска, на состанокот на министрите за надворешни работи на ЕУ, беше постигнат договор за петтата рунда воена помош за Украина“, рече шведската министерка за надворешни работи Ен Линде, пренесе Ројтерс.
Со тие пари ЕУ ќе продолжи заеднички да купува оружје и друга опрема за украинската армија. ЕУ забележува дека тоа е оружје што Украина треба да го користи за одбрана.