Министрите за надворешни работи на ЕУ денеска во Брисел се очекува да разговараат за новите санкции против Русија. Меѓу мерките што се разгледуваат е и забраната за купување злато од Русија, потег што САД веќе го повлекоа.
Се очекува дека Европската Унија би можела да ги прошири санкциите на повеќе лица поврзани со Русија.
Висок претставник на ЕУ за агенцијата „Франс прес“ изјави дека ЕУ најверојатно ќе разговара за нови санкции на состанокот, но нема да донесе одлука веднаш.
„Предлагаме да се заострат строгите санкции на ЕУ против Кремљ, да се спроведат поефикасно и да се продолжат до јануари 2023 година. Москва мора да продолжи да плаќа висока цена за својата агресија“, рече Фон дер Лајен.
„Санкциите на ЕУ се остри и силно ја погодуваат (Русија). Ние продолжуваме да ги таргетираме оние блиски до Путин и Кремљ… Исто така, ќе ги претставам предлозите на Советот да се стави список на неколку поединци и организации, со замрзнување на нивните средства и ограничување на можноста за патување“, изјави високиот претставник на ЕУ за надворешни работи и безбедносна политика, Жозеп Борел.