Сите членови на екипажот на украинскиот транспортен авион Антонов-12 што се урна во северна Грција се украински државјани, соопшти денеска портпаролот на украинското Министерство за надворешни работи, Олег Николенко.
Тој на својот Фејсбук профил изјави дека прелиминарната причина за несреќата во која загинаа сите членови на екипажот е дефект на еден од моторите. Николенко додаде дека по инструкции на министерот за надворешни работи на Украина, Дмитро Кулеба, е формиран оперативен штаб во Конзулатот на Украина во Солун.
Украинските конзули веќе пристигнаа на местото на несреќата и соработуваат со спасувачите и припадниците на грчката полиција со цел да се утврдат сите околности на инцидентот, изјави Николенко.