Во Австрија се повеќе луѓе имаат проблеми со растот на цените и високата инфлација, па многумина одлучија да се откажат од своите миленици, пишуваат медиумите во регионот.
Според нивните анализи, домот за напуштени животни во Фесендорф во близина на Виена се соочува со бран на напуштање домашни миленици поради зголемените трошоци за живот.
„Во нашиот дом моментално се соочуваме со масовен број на носење домашни миленици, големи и мали“, соопштиле од организацијата „Заштита на животните Австрија“.
Истовремено, истакнуваат дека стотици чинии за храна ја ставаат организацијата пред голем предизвик, бидејќи ова е веќе четврти бран на напуштање миленици во изминатите две години.
Инаку, оваа организација секојдневно згрижува 1.200 напуштени животни во домот во Фезендорф.