Заменичката на претседателот на Владата задолжена за политики за добро владеење, Славица Грковска, замина на дводневна работна посета на Рим, Италија.
Во рамки на посетата, Грковска ќе има работна средба со италијанскиот министер за јавна администрација Ренато Брунета.
Грковска ќе се сретне и со претседателот на италијанската Национална антикорупциска комисија (АНАК), Џузепе Бузиа, а ќе одржи и работен состанок со Диего Сабатино, експерт за јавни набавки во Државниот совет на Италијанската република.
Ќе го посети и Универзитетот Луис Гуидо Карли, а ќе има средба и со Роксана Албистеану, менаџер за јавна политика за Југоисточна Европа на компанијата Амазон Веб Сервиси.