Јапонската конзервативна коалициска влада најверојатно ќе освои мнозинство од местата во Горниот дом на денешните избори, само два дена по убиството на доминантниот политичар и поранешен премиер Шинзо Абе, покажуваат излезните анкети.
Абе, кој беше премиер со најдолг стаж во поновата историја на Јапонија, беше убиен во петокот за време на говорот за поддршка на локалниот кандидат во западниот град Нара. Убиството беше осудено од политичкиот естаблишмент како напад врз самата демократија.
Според излезната анкета на јавниот радиодифузен сервис НХК, Либерално-демократската партија (ЛДП) на премиерот Фуми Кишида, во која Абе беше високо позициониран, заедно со коалициската партија Комејто, се на пат да освојат меѓу 69 и 83 од 125 места во горниот дом.
Излезните анкети претходно предвидуваа дека ЛДП ќе освои 59 до 69 места во Горниот дом, што е значително зголемување од претходните 55 места. Со освојување на 69 пратенички места, ЛДП би обезбедила мнозинство без потреба од коалиција, што се чинеше невозможно пред смртта на Абе.
Конечните резултати во понеделник.