Американскиот претседател Џо Бајден синоќа во седиштето на Централната разузнавачка агенција-ЦИА му се заблагодари на персоналот на агенцијата што го предупреди светот за плановите на рускиот претседател Владимир Путин да ја нападне Украина и ја поздрави, како што рече, „тивката храброст на американските шпиони“.
На комеморацијата по повод 75-годишнината на ЦИА, Бајден рече дека бил вклучен во агенцијата 52 од тие години, прво како помлад сенатор во комитет формиран во 1975 година за да ги истражува експериментите за контрола на умот и другите злоупотреби од агенцијата.
Тој истакна дека разузнавачките информации собрани од ЦИА ги разоткриваат плановите на Путин и му овозможиле на Вашингтон да ги предупреди другите земји за војна.
„Благодарение на неверојатната работа на нашите професионалци за разузнавање, можевме однапред да го предупредиме светот што планира Владимир Путин во Украина. Откривањето на играта на Путин направи огромна дупка во преправањето и ги дискредитираше неговите лаги за она што го правиме во Украина“, рече Бајден.
Пред руската инвазија на 24 февруари, додека Русија собра повеќе од 100.000 војници на границата со Украина, Путин постојано ги обвинуваше Соединетите Држави и другите западни сили дека намерно креираат сценарио за да ја намамат Москва во војна, а Русија ги нарекува нејзините дејствија во Украина „специјална операција“.