Американскиот претседател Џо Бајден изјави денеска дека се додека е тој на чело на САД, абортусот нема да биде забранет. Потпиша и извршна уредба за заштита на пристапот во врска со абортусот и контрацепцијата, пренесуваат агенциите.
„Најбрзиот пат со кој жените ќе си го остварат своето уставно право на абортус ќе биде со закон изгласан во Конгресот. Не можеме да дозволиме Врховниот суд неконтролирано да ја ограничува слободата“ рече Бајден при потпишувањето на уредбата.
Сепак, моќта на американскиот претседател е ограничена затоа што сојузните држави можат да донесат закони со кои би се лимитирале правото на абортус и пристапот кон контрацепција, па затоа претседателската уредба има само ораничено влијание.
Бајден ќе нареди Министерството за здравство да ја заштити и прошири достапноста на „лековите за абортус“, наведуваат од Белата куќа.