Две лица загинаа во пукање во ноќен клуб во норвешката престолнина Осло, соопшти полицијата рано утринава.
Полицијата на Твитер објави дека неколку лица се повредени, а осомничениот бил приведен набргу по пукањето во близина на местото на настанот.
Сите индиции се дека сторителот дејствувал сам, изјави портпаролот на полицијата Торе Барстад. Три лица се тешко повредени, а на 19 им била укажана лекарска помош.
Нема информации за потенцијалниот мотив, а полицијата не ги објави возраста или идентитетот на уапсениот осомничен.