Во Бугарија се појавија два случаи на мајмунски сипаници, соопшти бугарското Министерството за здравство.
Информациите се дека пациентите се мажи на возраст од 41 и 44 години. И двајцата се хоспитализирани и се во добра општа состојба.
Првичните податоци покажуваат дека и двете лица пријавиле патување во странство во претходните две недели – во Шпанија односно Велика Британија.
Мајмунската сипаница се смета за поблага болест од сипаницата која не се шири лесно меѓу луѓето, соопшти Здравствената агенција на ЕУ минатиот месец.