Утрински Весник
Македонија

Еден загинат во сообраќајна несреќа меѓу мопед и автомобил на регионалниот пат – обиколница Богданци

46-годишно лице починало во сообраќајна несреќа меѓу мопед што го управувал починатиот и патничко возило, на регионалниот пат – обиколница Богданци, соопшти полицијата.

Имено, денеска во раните утрински часови, односно во 01.00 часот било пријавено дека на регионалниот пат – обиколница Богданци, на крстосница кај место викано „Луда Мара“, се случила сообраќајна несреќа помеѓу мопед „баотиан-БТ49“, со гевгелиски регистарски ознаки, управувано од Е.С.(46) од с.Стојаково и патничко возило „форд мондео“, со кривопаланечки регистарски ознаки, управувано од Р.Г.(41) од Нов Дојран.

На местото на несреќата починал возачот на мопедот, а смрт констатирал лекар од Итна медицинска помош.

Извршен бил увид од Јавен обвинител и увидна екипа од Полициската станица Гевгелија.

Можете да прочитате

Пенка Мукаетова именувана за нов потпретседател на Сојузот на стопански комори на Македонија

ЦУК преку СМС порака известува за кризната состојба прогласена за пожарите

Околу половина час се чека за влез во земјава на Табановце