Пет лица загинаа во хеликоптерска несреќа во Италија, а двајца патници се уште се водат како исчезнати два дена откако авионот исчезна од радарот, изјави Еугенио Џани, гувернер на регионот Тоскана.
Тој на Фејсбук напишал дека хеликоптерот се урнал во планинска област на границата меѓу Тоскана и Емилија Ромања и дека денеска се пронајдени телата на пет лица.
Хеликоптерот полетал од тосканскиот град Лука во четвртокот и се упатил кон северниот италијански град Тревизо. Исчезнал од радарот над ридско и шумско подрачје, каде што бил погоден од лошото време. Во хеликоптерот имало седум лица, меѓу кои и четворица турски претприемачи, јавуваат медиумите во регионот.
Патниците се враќале од саем одржан во Италија, се вели во соопштението на компанијата. Според либанската државна новинска агенција NNA, другите двајца патници биле либански државјани.