Администрацијата на американскиот претседател Џо Бајден издаде нови инвестициски ограничувања кои им забрануваат на Американците да купуваат руски акции и обврзници.
Забраната е најновиот чекор на американските власти за зголемување на финансискиот притисок врз Русија како одговор на инвазијата на Москва на Украина, пишува Си-Ен-Ен.
Според новите упатства објавени од Министерството за финансии во понеделникот, на американските инвеститори им е забрането да купуваат нови и постоечки должнички и сопственички хартии од вредност издадени во Руската Федерација.
На Американците сепак ќе им биде дозволено да продаваат руски акции и обврзници, но само на лице кое не е од САД, соопшти Министерството за финансии.