Кенискиот атлетичар Феликс Кирва победи на маратонот во Стокхолм, но се соочи и со голем проблем откако во еден момент од трката тргна во погрешна насока. Сепак, и покрај тоа славеше со време од два часа, 11 минути и седум секунди.
Кирва заедно со уште двајца маратонци на 28. километар беа погрешно насочени и истрчаа 1,1 километар повеќе. Така пропадна неговата шанса за рушење на рекордот на овој маратон. Два часа, 10 минути и 10 секунди е рекорд на маратонот во Стокхолм, па Кениецот не го собори за само 57 секунди.
„Многу сум среќен што победив на маратонот во Стокхолм, но трчав во погрешна насока и затоа не го соборив рекордот“, изјави Кирва.
> Трчаше во погрешна насока, и пак победи, на маратонот во Стокхолм <