Во периодот 2/3.6.2022 на подрачјето на Центар, полициски службеници од Единицата за интервентна полиција при СВР Скопје лишиле од слобода четири лица, бидејќи кај нив била пронајдена дрога.
На 2.6.2022 во 19:15 часот бил лишен од слобода Г.Л.(27) од Скопје, затоа што кај него била пронајдена и одземена марихуана. На 3.6.2022 во 00:10 часот бил лишен од слобода С.Ѓ.(28) од Скопје, бидејќи кај него била пронајдена и одземена бела прашеста материја, а во 00:15 часот лишен од слобода бил С.П.(20) од Скопје, кај кого била пронајдена марихуана.
Малку подоцна, во 1:20 часот на истото подрачје, полициски службеници од Единицата за интервентна полиција го лишиле од слобода Г.П.(40) од Скопје, затоа што кај него била пронајдена и одземена бела тврда материја.
Лицата биле приведени во полициска станица и по документирање на случаите против нив ќе бидат поднесени соодветни поднесоци.