Украина, во првиот официјален фудбалски меч по почетокот на војната, успеа да направи подвиг и на „Ајброкс“ да ги совлада Шкотска со 1:3 за да се пласира во финалето на баражот за пласман на Светското првенство во Катар.
Мечот требаше да се оддржи во март, но беше одложен поради војната во Украина, и сега репрезентацијата на оваа земја има шанса да се пласира на Мундијалот со победа над Велс, кои во март ја елиминираа Австрија.
Мечот во Глазгов започна со емотивно оддавање почест на сите загинати во војната, а потоа Украинците не покажаа милост за домаќините и покрај убавиот пречек. Досегашниот фудбалер на Вест хем, Андриј Јармоленко го отвори резултатот во 33. минута, пред само што започна второто полувреме, во 49. минута Роман Јаремчук да зголеми на 0:2. Ѕвездата на Селтик, Калам Мекгрегор даде надеж на домаќините со голот во 79. минута, но тоа не беше доволно за камбек, откако Артем Довбик во 95. минута да стави точка на натпреварот.
> Украина ја освои Шкотска и дојде на чекор до пласман на Мундијалот <