Генералниот секретар на НАТО Јенс Столтенберг денеска изјави дека ќе свика состанок за противењето на Турција за приклучувањето на Шведска и Финска во Евроатлантската алијанса.
Тој изјави дека за тоа ќе разговара со високи претставници на трите земји во Брисел, пренесува Ројтерс.
„Во близок контакт сум со претседателот на Турција, како и со лидерите на Финска и Шведска“, изјави Столтенберг во Вашингтон по средбата со американскиот државен секретар Ентони Блинкен.