Ако не ги спречиме, „супер свињите“ наскоро би можеле да ги нападнат градовите во западна Канада, предупредува канадската јавна телевизија Си-Би-Ес.
Станува збор за диви свињи, кои биле забележани на улиците на 28 градови и села во Алберта, провинција во западна Канада. Локалните власти во Ламонт ги повикаа граѓаните да внимаваат од можна инвазија на диви свињи.
Професорот по агрономија Рајан Брук вели дека и урбаните и руралните заедници во тој дел на Канада треба да се грижат за дивите свињи.
Откако во Ламонт биле забележани свињи скитници, граѓаните добиле порака која гласи: „ Бидете мирни и движете се полека. Не ги бркајте животни, не ги провоцирајте“.
Како што понатаму се наведува, не се работи само за диви свињи, туку за мешавини на диви и домашни свињи кои избегале од фармата, па се додава дека проблемот не е нов, туку изгледа дека сега ги има повеќе отколку порано.
Дивите свињи можат да тежат и до 150 килограми, а можат да поминат повеќе од 40 километри дневно.
Овие животни ги уништуваат посевите, ги загадуваат изворите на вода со тркалање во мочуриштата и носат болести кои можат да ги пренесат на домашните свињи. Поради нивната приспособливост, тие можат да живеат секаде, па се поблиску до градовите во Европа и Америка.