Додека угледниот професор по право којшто СДСМ го понижи и го направи партиски бот, јавно призна дека земал државни пари за пишување партиски текстови, јавноста остана без одговори од страна на надлежните во Министерството за одбрана и Владата, соопшти пратеникот на ВМРО-ДПМНЕ, Драган Ковачки.
„ Останува неодговорено колку такви договорци на дело – професионални партиски ботови СДСМ и ДУИ имаат распоредено по институциите.
Чувствува ли Славјанка Петровска одговорност? До кога ќе молчи Димитар Ковачевски за овој скандал што е слика на македонската беда и јад што владее во институциите под јаремот на СДСМ и ДУИ? Ќе ги врати ли парите угледниот професор – бот?“ напиша Ковачки на Фејсбук.