Украинскиот претседател Володимир Зеленски изјави дека неговата војска нанела сериозна штета на руските вооружени сили и покрај падот на клучниот пристанишен град Мариупол, објавија медиумите во регионот.
Украина го „скрши столбот“ на руската армија, кажал Зеленски во телевизиско интервју. „Нема да може да застане на нозе во следните неколку години“, изјавил тој.
Неговата изјава, според медиумите, дојде откако последните 2.400 украински борци од Мариупол се предадоа.
Киев ќе го врати сето тоа назад, рекол тој, додавајќи дека Украина ќе се врати на првите линии пред 24 февруари, кога Русија изврши инвазија. „Тоа ќе значи дека не покорија и дека ние ја браневме нашата земја“, изјавил Зеленски, но нагласил, дека тоа ќе биде многу тешко и дека ќе следи дипломатија.