Британскиот премиер Борис Џонсон и министерот за финансии Риши Сунак беа казнети затоа што се собраа во канцеларијата на Џонсон, кога тој го прослави својот 56-ти роденден во јуни 2020 година, во време кога друштвените собири беа забранети, пренесе РТС.
Откако дознаа за забавата, опозицијата, но и некои политичари од Конзервативната партија побараа оставка на Џонсон.
– Нашата истрага беше темелна и целосна, и беше завршена најбрзо што можевме, со оглед на количината на информации што требаше да се обработат и важноста да се обезбедат силни докази за секоја напишана реченица. Истрагата сега е завршена – соопшти лондонската полиција.
Полицијата вели дека казните се напишани во врска со осумте датуми кога се случиле различни настани во Даунинг стрит и некои други владини канцеларии, во периодот од мај 2020 година до април 2021 година, кога биле на сила ковид мерките.
Меѓу осудените имало 53 мажи и 73 жени, а некои добиле и повеќе од една казна.