Украинската вицепремиерка Ирина Верешчук изјави дека преговорите со Русија за евакуација на украинските борци од фабриката за челик Азовстал биле „многу тешки“ и дека нивниот исход можеби нема да биде задоволителен за сите страни.
– Резултатот од преговорите можеби не е по волја на сите, но наша задача е да ги евакуираме нашите момци. Сите до еден – изјавила таа во објава на интернет, пренесува Ројтерс.
Лидерот на регионалната воена управа на Доњецк, Павло Кириленко, потврди за Си-Ен-Ен дека се водат „тешки преговори“ со цел постепено да се спасат сите „бранители“ бидејќи, како што вели, Русија постојано диктира нови услови и барања.
„Борците се тешко ранети“, рече тој.
Според него, руските сили продолжуваат да го гранатираат Азовстал.