СДСМ останува на ставот дека парламентарното мнозинство е стабилно и изборите ќе се одржат во 2024 година, и покрај тоа што ВМРО-ДПМНЕ најави блокада на Собранието инсистирајќи на лидерска средба и нов датум за избори.
Портпаролот и пратеник на СДСМ, Дарко Каевски, одговарајќи на новинарски прашања изјави дека додека власта носи реформски и важни закони, ВМРО-ДПМНЕ е страната на опструкциите и блокадите и сака да добие некакви политички поени.
„Коалицијата е стабилна, парламентарното мнозинство е стабилно и како резултат на сето тоа наредните парламентарни избори ќе бидат 2024 година и ќе бидат редовни“, рече Каевски.
Според него, среде најголема енегетска и економска криза во Европа по Втората светска војна, кога Собранието треба да носи ефикасни решенија за граѓаните, ВМРО-ДПМНЕ најавува нови блокади.