Портпаролот на Кремљ, Дмитриј Песков денеска изјави дека граѓаните на западните земји веќе плаќаат висока цена поради антируските санкции што ги воведоа нивните земји и предупреди дека цената ќе расте секој ден, пренесува Танјуг.
„Ако зборуваме за областа на санкциите воопшто, ова е меч со две острици. Американците, Европејците и другите земји се обидуваат да ни наштетат и треба да платат висока цена“, посочува Песков.
Според него, Кремљ подготвува одговор на шестиот пакет санкции на ЕУ.