Претседателот на Соединетите Американски Држави Џозеф Бајден на православните христијани им го честиташе Велигден.
Според веб-страницата на Белата куќа, Бајден изјавил дека тој и неговата сопруга Џил со православните христијани „се радуваат на Воскресението на Исус Христос и на триумфот на светлината над темнината“.
Американскиот претседател истакна дека тој и првата дама се молат за сите жртви на војната и прогонот и тагуваат со сите оние кои изгубиле блиски или кои се плашат за својата безбедност и дека ќе бидат посветени да работат за мир, слобода и безбедност.
Бајден додаде дека оваа година уште еднаш ги видовме суштинските начини на кои православните христијани ги зајакнуваат нашата нација и свет – преку сочувство и служење на другите, демонстрации на меѓуверска солидарност и застапување за верска слобода за сите.
„Продолжуваме да ја шириме пораката за велигденска радост преку заедничка работа за изградба на свет кој го вреднува вроденото достоинство и бесконечната вредност на секое човечко суштество“, рече Бајден во својата честитка.
