Украинскиот претседател Володимир Зеленски тврди дека Русија го одбила предлогот за прекин на огнот за време на велигденските празници, но додаде дека се уште има надеж за мир.
„Русија одби примирје за време на Велигден“, рече Зеленски.
Претседателот на Украина изјави дека руското политичко раководство направило катастрофална грешка со тоа што ја нападнало неговата земја и го вовлече рускиот народ во нешто што е одговорност на владата.
„Од сега па натаму, многу земји повеќе нема да се занимаваат со прашањето дали некој е добар или лош Русин. Сите Руси ќе бидат третирани лошо. Русија го постигна тоа. На крајот на краиштата, не зависи од мене, туку тоа треба да го исплаши рускиот народ“, истакна украинскиот претседател.
