Специјалната воена операција на Русија во Украина ќе заврши кога ќе бидат отстранети заканите дека НАТО ќе ја освои таа земја, изјави денеска за агенцијата ТАСС високиот руски дипломат Алексеј Полчук.
„Специјалната воена операција ќе заврши кога нејзините задачи ќе бидат завршени. Тоа вклучува заштита на цивилното население во Донбас, демилитаризација и денацификација на Украина, како и елиминација на заканите за Русија кои доаѓаат од украинска територија поради нејзиното освојување од НАТО“, изјави Полишчук, директор на Комонвелтот на независни држави.
Рускиот дипломат додаде дека воената операција во Украина се одвива во согласност со плановите.
„Сите цели ќе бидат остварени“, рече тој.
